الحرب البارده
بعد الزأره الاولى تبدا مرحله الحرب الباردة بين النائب وطبيب الامتياز, فقد ادرك الاخير اخيرا حقيقه الامر : ان النائب في اغلب الحالات لا يسب ويلعن الا اذا كان متعرضا لنفس الموقف من المدرس المساعد !!,والذي بدوره كان موضوعا تحت ضغط قاسي من قبل الاستاذ,هذا الاستاذ الملوي ذراعه من قبل رئيس القسم.
ورئيس القسم رعاه الله بدوره مخنوق من عميد الكلية ,ذلك الناقم علي رئيس الجامعة,كما ان رئيس الجامعة مشغول بأمور عده اهمها ما تكتبه الجرائد حول نتائج ابنته وانها نتائج مزوره!!,
وان كلاما كهذا لربما اغضب الاسياد ليس لانه تسيب, او لانه فساد, ولكن لان امرا كهذا يعتبر تعديا وتجاوزا من قبل رئيس الجامعه فكيف يتخيل انه من حقه ان يتلاعب في نتائج ابنته؟, او ان يجبر عميدا محترما علي تغيير تلك النتائج !!
أمور كهذه ليست من حقه هي من مميزات الاسياد وحدهم !!فهم واولادهم واولاد اولادهم - حفظهم الله ورعاهم -من حقهم ان يعيشوا ببلطجه فمن حق ابن الوزير ان يكون وزيرا ومن حق ابن الرئيس ان يكون رئيسا ولكن هنالك تحقيق في نتائج ابنه رئيس الجامعة فليس من حقها ان تكون من الاوائل!!!
وعودة للموضوع الرئيسي نلاحظ ان زأره النائب ليست الا تعبيرا عن ضيق قد اعتري نفس السيد الرئيس نتيجة التسيب والفساد الموجود بالدولة ادي الي غضب النائب- في نهاية المطاف- والذي فرغ غضبه في الميزو المسكين ,ولان في الامر ابعاد وطنيه قرر الميزو الصبر
ولان الاعمال بالنيات ولان نيه الميزو المسكين هي خدمه الوطن اصيب النائب اخيرا بحيره شديده فقد كان متخيلا ان شخطه ونطره سيؤديان الي هرب الميزو المسكين الا انه فوجئ في النهاية بعكس ذلك فرفع الراية البيضاء مستسلما لاصرار الميزو ومقررا تعليمه بعض الامور لعله يبتعد عن وجهه
لتستمر الحرب الباردة ....
ملاحظه :الحكاية السابقه ليس لها اي علاقه بالواقع الأليم ((يعني تنويه لا بد منه علشان لو اي نائب عدى من هنا ))
هناك 8 تعليقات:
هو الموضوع شكله كبير قوى
ده فى كل الوظائف هذا التدرج مش الطب بس
ربنا يعينا كلنا على الامتياز
على فكرة يا عينى كل يوم والتانى لما اقرى لكم الكلام الدكاترة يعنى بقيت بحمد ربنا انى مدخلتش طب هههههههههههههه بجد ربنا يكون فى عونكم
darkskies
الموضوع مش كبير قوي ولا حاجه ,بس حبيت اكبره لزوم الحبكه الدراميه :D
وبالنسبه للتدرج فهو موجود فعلا في كل الوظائف مش في الطب بس وبرده هتلاقي ان الرئيس لو عطس اصغر محامي في البلد هيتشتم وهكذا
المشكله ان كل واحد متعقد من الي اعلي منه وبيفضي ضيقه في اللي اقل منه
appy
نورتي المدونه
وياريت ماتحرمناش من نورك
وربنا يكون في عون الجميع
بص يا قلمي اطمئن خالص بناء على التجارب الواقعية لبعض الاهل والاصدقاء فهي ازمة وهتعدي
وصدقني يا قلمي المفروض والمنطقي ان طالب الميزو لما يكبر ويبقى نايب ومدرس واستاذ انه يحس بالميزوهات اللي اصغر منه
لكن الواقع الاليم
ان هذه العقد النفسية التي تحدث للطبيب بمجرد ما ربنا بيفتحها عليه ويعمل ماجستير وتطلع عينه لحد ما ياخد الدكتوراه وطبعا حضراتكم عارفين ان في اقسام بتعطل مناقشة الدكتوراه سنواااااااات لان ابن رئيس القسم اسم النبي حارسه وصاينه لسة في سنة اولى وبابا مستني لما يخلص ويطلع امتياز فبيكون عطل يجي سع دفع بس في سبيل الواد ننوس عين امه وابوه
المهم
ان طبيب الميزو اليوم والاستاذ الكبير بعد بعد بعد بكرة ورئيس القسم في افضل حالاته هيعمل في الميزوهات الجدد نفس اللي اتعمل فيه
كشكل من اشكال عقد النقص
بدل ما يحس بيهم ويؤازرهم ويقول انه في يوم من ذات الايام كان في نفس الموقف
وعلى فكرة
البنات اخف وطأة من الذكور لان البنات اقصى ضغط هيتعرضوا له هو سخافة النائب الذكر علشان ما تتعلمش وتفضل الجمل المتوارثة ان الطبيبة الست ما بتفهمش حاجة علشان خايفين على التقطيع في المستقبل لما تفتحوا العيادات قصاد بعض
اما النائب والميزو الذكر فاحب افرح وابرد نارك هو اسفة في اللفظ عسكري المراسلة بتاع المشرف بتاع الرسالة بيجيب العيال من الدرس ولما الواد يكبر بيروح معاه يشتري له بدلة الخطوبة ولما السيد المشرف على الرسالة بيحب يروح مشوار للقاهرة او الاسكندرية لقضاء اوراقه الهامة فهو بيأمر النائب الغلبان ان يجهز بكرة الساعة ستة الصبح يكون عند باب البيت علشان يقله الى المكان المطلوب لانه مكسل يسوق ومش عاوز يتعب حد من الانجال والسواقين مرتباتهم غالية فبيستغل فرصة النائب اللي معاه رخصة ويا غلبه وسواد ايامه لو كان النائب ده عنده عربية يبقى المشوار بعربية النائب ده توفيرا لصحة عربية السيد الدكتور المشرف على الرسالة
وكله فدا الرسالة
عرفتوا بقى يا بتوع الميزو النياب مطلعين روحكم ليه
لان القوي فيه اللي اقوى منه
وبما اني ليس لي اي علاقة بكلية الطب فكتبت اللي عندي دون خوف
لان ما يهمنيش لو نائب ولا حتى البيه العميد عدى من هنا
انا ما بقولش حاجة من عندي
انا بقول حقائق شفناها بعيوننا
ولو عاوزة اسماء
خليها بيني وبينك
لما اشوفك يا قلمي
في حفظ الله
وكان الله في عون الدكاترة
معلش يا حبيبتى
كلنا لها
و ربنا يروق حال النايب عشان حالك يروق
اعانكى الله
و بعدين انا مش كنت قولتلك انى عايزه اجى معاكى مره ؟؟
مش ناويه تخدينى و لا ايه؟؟
العلاقة الغير قائمة على الاحترام المتبادل كثيرا ما تفسد العمل في كثير من المواقع .. وأخيرا يعود الفساد على المواطن المسكين ..
لو طبقوا قول الرسول صلى الله عليه وسلم ( كلكم راع وكلكم مسؤل عن رعيته ) لارتاح الجميع ..
ان شاء الله هتعدي يادعاء
----
ام حبيبه
انا بكتب الموضوع للفرفشه وما فيش زعل ولا حاجه بس هن نقد ساخر للواقع الي بيعيشه طبيب الامتياز
-------
استاذنا سيد
ياريتنا نرجع للسنه لان فيها راحتنا
دمتم جميعا في خير
إرسال تعليق